ಜೀವನ್ಮುಖಿ...
ಸಪ್ತ ಶರಧಿಯನ್ನೂ, ಶರ
ಬಂಧನವನ್ನೂ ದಾಟುವಾ...
ಪ್ರೇಮಮುಖಿ...
ಹೊಸದೊಂದು ಕಾವ್ಯಕಟ್ಟಿ
ಹೊಸ ಲೋಕ ಕಟ್ಟುವಾ...
ಸಖಿ...
ಭಾವ ಸಾಗರದೊಳಗೆ
ಬಾಳುವಾ, ಗೆದ್ದು ಮರಳುವಾ...
ಅಗ್ನಿಶಿಖಿ...
ಒಡಲೊಳಗಿನ ಬಿಸಿ ಆರಿ
ಒಮ್ಮೆ ತಂಪಾಗುವಾ...
ಮುಖಿ...
ಬಾಳುವಾ, ಬಾಳೊಳು
ಸುಖ, ದುಃಖ ಅರಿಯುವಾ...
ಸಾರ್ಥಕ್ಯವೆಂಬ ಅರ್ಥ
ಹುಡುಕುವಾ...
***
(ಈ ಕವಿತೆಯನ್ನು ಬರೆದಿರುವುದು ಶಿರಸಿಯಲ್ಲಿ 06.03.2007ರಂದು)
(ಈ ಕವಿತೆ ಎಂ.ಇ.ಎಸ್. ಎಂ.ಎಂ.ಕಲಾ ಮತ್ತು ವಿಜ್ಞಾನ ಮಹಾವಿದ್ಯಾಲಯದ 2007-08ರ ವಾರ್ಷಿಕ ಸಂಚಿಕೆ ಮಯೂರದಲ್ಲಿ ಪ್ರಕಟವಾಗಿದೆ..)
No comments:
Post a Comment