ಜ್ವಾಲಾಮುಖಿ

ನನ್ನೆದೆಯಾಂತರಾಳದಲ್ಲಿದೆ
ಒಂದು ಜ್ವಾಲಾಮುಖಿ
ಅದು ಅಂತರ್ಮುಖಿ ಜೊತೆಗೆ ಅಗ್ನಿಶಿಖಿ.
ಎಂದೋ ಸಿಡಿಯಲು ಕಾತರಿಸಿ
ಕಾಪಿಡಿದು, ಲಾವಾಗಳೊಂದಿಗೆ ಕಾದಿದೆ.
ಎದುರಿಸುವುದು ಹೇಗೋ, ಏನೋ
ಎದುರಿನಲ್ಲಿ ಸಿಕ್ಕುವವರಾರೋ ಗೊತ್ತಿಲ್ಲ.
ಜ್ವಾಲಾಮುಖಿ ಹುಡುಕುತ್ತಿದೆ
ಒಂದು ಮಾರ್ಗ, ಪಥ, ಹಾದಿ.
ಹಲವು ಕಾಲದ ನೋವು, ಆಕ್ರೋಶ, ಅವಮಾನ
ಅನ್ಯಾಯ, ದುಃಖಗಳ ಹೊರ ಹಾಕಲು
ಮತ್ತೆ ಸಿಡಿದು ಸುಪ್ತವಾಗಲು.

ಬಲೂನು ಗಾಳಿ ತುಂಬಿಕೊಂಡಿದೆ
ಸೂಜಿ ಚುಚ್ಚುವುದೊಂದೇ ಬಾಕಿ.!

**

(ಈ ಕವಿತೆಯನ್ನು ಬರೆದಿದ್ದು 06-04-2006ರಂದು ದಂಟಕಲ್ಲಿನಲ್ಲಿ..)