ನಿನ್ನ ದೆಸೆಯಿಂದ

ನೀನೆ ನನ್ನ ಬಾಳು-ಬದುಕು
ಭಾವ ಲಹರಿ ಪ್ರತಿಬಿಂಬ
ನೀನೆ ನನ್ನ ಕನಸು-ಮನಸು
ಎದೆಯ ತುಂಬ ಸವಿಬಿಂಬ ||

ನೀನೆ ನನ್ನ ಮನದ ದುಗುಡ
ಪ್ರೀತಿ ಮನಸು ಜೇನ್ಗಡಲು
ನೀನೆ ನನ್ನ ಬಾಳ ದಡ
ತುಂಬಿ ತುಳುಕೋ ಮನದೊಡಲು ||

ನೀನೆ ನನ್ನ ಜೀವದುಸಿರು
ಬದುಕು ನೀಡ್ವ ಪ್ರಾಣ ಪಕ್ಷಿ
ನೀನೆ ನನ್ನ ಬಾಳ ಹೆಸರು
ಬಯಸಿತಲ್ಲೇ ನನ್ನ ಅಕ್ಷಿ ||

ನೀನೆ ನನ್ನ ಸವಿಯ ಪ್ರೀತಿ
ಬಾಳಿಗೊಂದು ಅರ್ಥವು
ನಿನ್ನಿಂದಲೆ ರೀತಿ ನೀತಿ
ಇರದಿರದುವೆ ವ್ಯರ್ಥವು ||

ನೀನೆ ನನ್ನ ಇಡಿಯ ವಿಶ್ವ
ಸರ್ವ ಸಕಲ ಚೇತನ
ನೀನಿಲ್ಲದೆ ನನ್ನ ಬದುಕು
ಸಾವು ಸನಿಹ ಕ್ಷಣ ಕ್ಷಣ ||

**
(ಈ ಕವಿತೆಯನ್ನು ಬರೆದಿರುವುದು 16-07-2006ರಂದು ದಂಟಕಲ್ಲಿನಲ್ಲಿ..)