ಆಗಂತುಕ ಪ್ರೇಮಿ

(ಚಿತ್ರಕೃಪೆ : ವಿನಾಯಕ ಹೆಗಡೆ)

ದೂರದಿಂದ ಬಂದನವ
ನನ್ನೆದೆಯ ಕದ ತೆರೆದ
ಪಂಜರದ ಬದುಕಿಂದ
ಹೊರಗೆಲ್ಲೋ ಸೆಳೆದ |

ಬಂದ ಹೊಸ ಚಣದಲ್ಲಿ
ನಗುವೆರಡ ತಂದ
ತೆರೆದನಲ್ಲಾ ಇಂದು
ನೂರು ಮನಗಳ ಬಂಧ ||

ಮೊದಮೊದಲು ಆಗಂತುಕ
ನಡುನಡುವೆ ಮಿತ್ರ
ಬದುಕು ನೀಡುವ ಜೀವಿ
ಕೊನೆಗೊಮ್ಮೆ ಪ್ರೇಮಿ ||

ಆಗಂತುಕನ ರೂಪ
ಮನದಲ್ಲಿ ಕಡೆದಿದೆ ಶಿಲ್ಪ
ಆಗಲೇ ಮನ ನಿಲ್ಲದಲ್ಲ
ನಾನು ನಾನಾಗಿ ಉಳಿದಿಲ್ಲ ||

ಒಮ್ಮೆ ಒಲವಿನ ಪ್ರೇಮಿ
ಮತ್ತೊಮ್ಮೆ ಆಗಂತುಕ
ಆಗಿ ಹೋದರೆ ದ್ರೋಹಿ
ನೀನೊಬ್ಬನೇ ಘಾತುಕ ||

**
(ಈ ಕವಿತೆಯನ್ನು ಬರೆದಿದ್ದು 02-03-2006ರಂದು ದಂಟಕಲ್ಲಿನಲ್ಲಿ)
(ವಿನಾಯಕ ಹೆಗಡೆ ಚಿತ್ರ ಕೊಟ್ಟಿದ್ದು... ಥ್ಯಾಂಕ್ಸು..)