ನನ್ನೆದೆಯ ಗುಡಿಯೊಳಗೆ

ನನ್ನೆದೆಯ ಗುಡಿಯೊಳಗೆ
ನಿನ್ನ ರೂಪವ ನಿಲಿಸಿ
ಆರಾಧನೆಯ ಸಲಿಸಿ
ಬದುಕು ನಡೆಸಿರುವೆ ||

ಮನದ ಸವಿ ಬಟ್ಟಲಲಿ
ನಿನ್ನ ಬಿಂಬದ ಹಾಲ
ಮಧುರಾಮೃತವೆ ಎಂದು
ಹಿಡಿದು ನಲಿದಿರುವೆ ||

ನಿನ್ನೊಡಲ ಕಂಗಳಿಗೆ
ನಾ ಮಿಡಿವ ರೆಪ್ಪೆಗಳು,
ನಿನ್ನೊಡಲ ಕಾಂತಿಯನು
ನಾ ಮೆರೆಸುತಿರುವೆ ||

ನಿನ್ನುಸಿರೆ ನನ್ನುಸಿರು
ಮನದಿ ನಿನ್ನದೆ ಹೆಸರು
ನನ್ನ ನೀ ಮರೆತಿರಲು
ನಾ ಪ್ರಾಣ ಬಿಡುವೆ ||

**
(ಈ ಕವಿತೆಯನ್ನು ಬರೆದಿದ್ದು 06-09-2007ರಲ್ಲಿ ದಂಟಕಲ್ಲಿನಲ್ಲಿ)
(ಈ ಕವಿತೆಯು ಮೆ.31, 2009ರ ಕರ್ಮವೀರ ಪತ್ರಿಕೆಯಲ್ಲಿ ಪ್ರಕಟಗೊಂಡಿದೆ)
(ಸಹೋದರಿ ಸುಪರ್ಣ ದಂಟಕಲ್, ಪೂರ್ಣಿಮಾ ಹೆಗಡೆ ಹಾಗೂ ಸಹೋದರ ಗಿರೀಶ್ ಕಲ್ಲಾರೆ ಅವರುಗಳು ಈ ಕವಿತೆಗೆ ರಾಗ ಹಾಕಿ ಹಾಡಲು ಪ್ರಯತ್ನಿಸಿದ್ದಾರೆ. ಅವರಿಗೆ ಧನ್ಯವಾದಗಳು)