ನಗಲೊಂದಿಷ್ಟು ಹನಿಗಳು

ನಗೋಣ ಬನ್ನಿ

*ಅಡಿಕೆ-ಕುಣಿಕೆ
ಹಿಂದೊಮ್ಮೆ ತರುತ್ತಿತ್ತು ಅಡಿಕೆ
ಹೊನ್ನಿನ ಕುಣಿಕೆ
ಆದರೆ ಈಗ ತರತೊಡಗಿದೆ
ನೇಣಿನ ಕುಣಿಕೆ ||

*ಸ್ವಯಂWARಅ
ಸ್ವಯಂವರ  ಎಂದರೆ
ಬೇರೇನೂ ಅಲ್ಲ
ತಾನೇ ತಾನಾಗಿ WARನ್ನು
ಹುಡುಕಿಕೊಳ್ಳುವುದು ಎಂದರ್ಥ ||

*ಹಸ್ತಾಂತರ
ಹಸ್ತಾಂತರ, ಅಧಿಕಾರ
ಹಸ್ತ-ಅಂತರ
ಎಂಬ ಅವಾಂತರದಲ್ಲಿ
ದೇವೇಗೌಡರಿಗಿಂತ ಹೆಚ್ಚು
ನಡುಗಿದ್ದು ಕುಮಾರ ||

* ಸೂರು-ಚೂರು
ನಾನಿನ್ನ ಬಯಸಿದಾಗ
ಹೃದಯವಾಗಿತ್ತು
ಪ್ರೀತಿಯ ಸೂರು|
ಆದರೆ ನೀನೀಗ
ಬಿಟ್ಟುಹೋದಾಗ
ಅದಾಗಿತ್ತು ಚೂರು ಚೂರು ||

*ವ್ಯತ್ಯಾಸ
ಆನೆ ಇದ್ದರೂ ಸಾವಿರ
ಸತ್ತರೂ ಸಾವಿರ|
ಆದರೆ ಮಾನವ?
ಇದ್ದರೂ ಸಾಲ
ಸತ್ತರೂ ಸಾಲ ||

*ಹೊಸ ಗಾದೆ
ಈಚಲ ಮರದಡಿಗೆ
ಕುಳಿತು ಮಜ್ಜಿಗೆ ಕುಡಿದಂತೆ |
ಈ ಗಾದೆ ಹಳೆಯದಾಯ್ತಂತೆ.
ನಯಾ ಜಮಾನಾಕ್ಕೆ
ಹೊಸತು ಬೇಕಂತೆ
ಅದಕ್ಕೇ ಬಂತ್ರೀ ಈ ಗಾದೆ
`ಬಾರಿಗೆ ಹೋಗಿ
ಕೂಲ್ ಡ್ರಿಂಕ್ಸ್, ನಿಂಬೆ ಪಾನಕ
ಕುಡಿದಂತೆ' ||

*ಟೈಟಲ್ಲು
ಅವನು
ಟೈಟಾದಾಗಲೆಲ್ಲ
ಟೈಟಲ್ಲುಗಳು
ಹುಟ್ಟಿಕೊಳ್ಳುತ್ತವೆ ||

*ನನ್ನ ಕವನ
ನನ್ನ ಕವನಗಳು
ಹಾಗೆಯೇ
ಕಾಲಿ, ಪೀಲಿ
ಪೋಲಿ ||

(ನಗಲಿಕ್ಕೊಂದಷ್ಟು ಹನಿಗಳು.. ಸುಮ್ಮನೆ ನಕ್ಕುಬಿಡಿ.. ಬೇಜಾರಾದಾಗ ಓದಿ ರಿಲ್ಯಾಕ್ಸ್ ಆಗಿ..)