ಏನ ಮಾಡಲೆ ಗೆಳತಿ

ಏನು ಮಾಡಲೆ ಗೆಳತಿ
ನೆನಹುಗಳು ನಲಿಯುತಿವೆ
ಬದುಕ ಬೀದಿಯ ಹಲವು
ಕವನಗಳು ಜೊತೆಯಲಿವೆ |

ಹೊಸ ನೀರು ಹರಿಯುತಿದೆ
ಹಳೆ ನೀರ ಮರೆಸುತಿದೆ
ಹಳೆ ಕುರುಹ ನಡುವಿನಲಿ
ಹೊಸ ಚಿಗುರು ಉದಿಸುತಿದೆ |

ಏನ ಮಾಡಲೆ ಗೆಳತಿ
ನೆನಹುಗಳು ಸವೆಯುತಿದೆ
ಹಳೆ ಬಾಲ್ಯ ಹಸಿ ಹರೆಯ
ಕಾಣದಲೆ ಮರೆಯುತಿದೆ |

ಹೊಸತನವು ಉದಿಸುತಿದೆ
ಹಳೆಕಾಲ ಕಮರುತಿದೆ
ಹಳೆ ನೆನಪ ಸಖ್ಯದೊಳು
ಜಗ ಜೀವ ಓಡುತಿದೆ |

ಏನ ಮಾಡಲೆ ಗೆಳತಿ
ನೆನಹುಗಳು ಮರಳುತಿದೆ
ಕಳೆದ ಕ್ಷಣಗಳ ನೂರು
ಘಟನೆಗಳು ಹೊರಳುತಿದೆ |

***
(ಈ ಕವಿತೆಯನ್ನು ಬರೆದಿದ್ದು 24.03.2007ರಂದು ದಂಟಕಲ್ಲಿನಲ್ಲಿ)