ಹಳ್ಳಿಗಳಿಗೆ ತಿರುಗಿ ಬನ್ನಿ

ಹಳ್ಳಿಯಲ್ಲಿ ಹಿರಿಯ ಜೀವ

ಹಳ್ಳಿಗಳಿಗೆ ತಿರುಗಿ ಬನ್ನಿ

ಓ ಯುವಕ ಮಿತ್ರರೇ..||

ಹಳ್ಳಿಯಲಿದೆ ಅನ್ನ ಹೊನ್ನು

ಜೀವ ಬೆಳೆಯು ಇನ್ನೂ ಇನ್ನು

ಇಲ್ಲೇ ಇದೆ ಪ್ರೀತಿ ಚಿನ್ನ

ಬದುಕು ಛಲ, ಉಸಿರು ಮಣ್ಣು ||

ಹಳ್ಳಿಯೊಂದು ದೃಶ್ಯಕಾವ್ಯ

ಬದುಕು ಸಹಜ ಸುಂದರ

ಹಳ್ಳಿ ಬದುಕು ನವ್ಯ ಭವ್ಯ

ಮರೆತರೆಂದೂ ದುಸ್ತರ ||

ಹಳ್ಳಿ ಜೀವ ಹಳ್ಳಿ ಪ್ರಾಣ

ಹಳ್ಳಿ ಜನರ ಮಾನವು

ಹಳ್ಳಿಗಳೇ ಇಲ್ಲವಾದರೆ

ಜನಕೆ ಇಲ್ಲ ಜೀವವು ||

ನಗರವೆಂದರೇನು ಮಣ್ಣು

ಸ್ಪೂರ್ತಿಯಿಲ್ಲ ಕನಸಿಲ್ಲ

ಬದುಕಲ್ಲಿ ದುಡ್ಡು ಮಾತ್ರ

ಹಸಿರಿಲ್ಲ, ಮನಸಿಲ್ಲ ||

ನಗರಕಿಂತ ಹಳ್ಳಿ ಮೇಲು

ಇದುವೆ ದೇವಾಲಯ

ಬಯಸಿಬಂದ ಬದುಕುಗಳಿಗೆ

ಇದುವೆ ಪ್ರೇಮಾಲಯ ||

(ಇದನ್ನು ಬರೆದಿದ್ದು ದಂಟಕಲ್ಲಿನಲ್ಲಿ 29-08-2006ರಂದು)