ನಿನ್ನ ನೆನಪು

ಗೆಳತಿ, ನಿನ್ನ ಬಿಂಬ ನನ್ನ
ಮನಸಿನಲ್ಲಿ ಮೂಡಿದೆ
ನಿನ್ನ ನೆನಪು ಬಳುಕು ಒನಪು
ನನ್ನ ಮನದಿ ಮೆರೆದಿದೆ ||

ನಿನ್ನ ನೆನಪು ನನ್ನ ಮನವ
ಎಳೆದು ಸೆಳೆದು ನಿಲಿಸಿದೆ,
ಮನವು ನಿನ್ನ ಪ್ರೀತಿಯೊಂದು
ಸ್ಪರ್ಷವನ್ನು ಬಯಸಿದೆ ||

ನಿನ್ನ ನೆನಪು ನನಗೆ ಹರುಷ
ಮುಗ್ಧ ಮನ ನಲಿದಿದೆ
ಕನಸಿನಲ್ಲಿ ನಿನ್ನ ನೆನೆದು
ಮನದಿ ಹರುಷ ಪಟ್ಟಿದೆ ||

ಗೆಳತಿ, ನಿನ್ನ ನೆನಪಿನಲ್ಲಿ
ನನ್ನೇ ನಾನು ಮರೆತಿಹೆ
ಜೀವ ನೀನು, ಪ್ರೀತಿ ನೀನು
ಎಂದು ನಾನು ತಿಳಿದಿಹೆ ||

ನಿನ್ನ ನೆನಪೇ ನನ್ನ ಜೀವ
ನೀನೆ ಬದುಕು ಆಗಿಹೆ
ನಿನ್ನ ನೆನಪೆ ನನ್ನ ಕವನ
ಅದುವೆ ಸ್ಪೂರ್ತಿಯಾಗಿದೆ ||

(ಈ ಕವಿತೆಯನ್ನು ಬರೆದಿದ್ದು 04-10-2006ರಂದು, ದಂಟಕಲ್ಲಿನಲ್ಲಿ)