ಕೇಳದೆ..ಕರೆ

ಕರೆದರೆ ಯಾಕೋ ತಿರುಗುವುದಿಲ್ಲ..

ನನ್ನೆಡೆ ನಿನ್ನಲಿ ಸಿಟ್ಟಿದೆಯಾ..?

ಮಾತೂ ಇಲ್ಲ, ಕಥೆಯೂ ಇಲ್ಲ

ಮೌನವೆ ಬಾಳಲಿ ತಿಂಬಿದೆಯಲ್ಲ

ಮಾತಲಿ ಮೌನದ ಗೂಡಿದೆಯಲ್ಲ

ಸಿಟ್ಟಿನ ಕಾವಲು ಜೊತೆಗಿದೆಯಲ್ಲ ||

ಭಾವದ ಒಡಲು ತುಂಬಿಹುದೇನು?

ದುಃಖದ ಕಟ್ಟೆಯು ಕೂಡಿಹುದೇನು?

ನಿನ್ನೊಳಗಾಗಿಹ ಕುಂದುಗಳೇನು?

ನನ್ನೆಡೆ ಸಿಟ್ಟಿಗೆ ಈ ಪರಿಯೇನು?

ನನ್ನನು ನೀನು ಮರೆತಿಹೆಯಾ

ತನುವಲಿ ಕಾಡುವ ಗುರುತಿದೆಯಾ

ನನ್ನೆಡೆ ನೀನು ಹೊರಳದೆ ಇರಲು

ಕಾರಣವೇನು ಹೇಳುವೆಯಾ..?||

(ಈ ಕವಿತೆಯನ್ನು ಬರೆದಿದ್ದು 08.04.2006ರಂದು)

(ತಂಗಿ ಸುಪರ್ಣಾ ಹೆಗಡೆ ಹಾಗೂ ಪೂರ್ಣಿಮಾ ಹೆಗಡೆ ಇವರುಗಳು 

ಈ ಹಾಡಿಗೆ ರಾಗವನ್ನು ಸಂಯೋಜಿಸಿ ಹಾಡಿದ್ದಾರೆ. ಅವರಿಗೆ ಧನ್ಯವಾದಗಳು)