ಹೇಳಿ ಹೋಗು ಕಾರಣ

ನನ್ನ ಮನವ ತೊರೆವ ಮುನ್ನ
ಹೇಳಿಹೋಗು ಕಾರಣ..
ನನ್ನ ಕನಸ ಕೊಲುವ ಮುನ್ನ
ಹೇಳಿ ಹೋಗು ಕಾರಣ..||

ಅಂದು ನೀನು ಕಂಡುದೇಕೆ..?
ನನ್ನ ಮನವ ಸೆಳೆದುದೇಕೆ.?
ಪ್ರೀತಿ ಬಲೆಯ ಬೀಸಿದ್ದೇಕೆ..?
ಹೇಳಿ ಹೋಗು ಕಾರಣ..||

ಜೊತೆಗೆ ಹಲವು ಮಾತನಾಡಿ
ಮನದ ಜೊತೆಗೆ ಆಟವಾಡಿ
ಬಿಟ್ಟು ಓಡಿ ಹೋಗುವ ಮೊದಲು
ಹೇಳಿ ಹೋಗು ಕಾರಣ..||

ನನ್ನೊಳೇನು ತಪ್ಪು ಕಂಡೆ.?
ನನ್ನ ಪ್ರೀತಿ ಚುಚ್ಚಿ ಕೊಂದೆ
ನೀನು ದೂರವಾಗೋ ಮೊದಲು
ಹೇಳಿ ಹೋಗು ಕಾರಣ..||

ನೀನು ಪ್ರೀತಿಸಿದ್ದು ಸುಳ್ಳೆ?
ಏಕೆ ನನ್ನ ಸೆಳೆದೆ ಮರುಳೆ..?
ನನ್ನೊಡಲು ಸಾಯೋ ಮೊದಲು
ಹೇಳಿ ಹೋಗು ಕಾರಣ..||

(ಬರೆದಿದು : ಶಿರಸಿಯಲ್ಲಿ, 23-01-2006ರಂದು )

(ಈ ಕವಿತೆಯನ್ನು 24-01-2006ರಂದು ಶಿರಸಿ ತಾಲೂಕಿನ ಉಂಚಳ್ಳಿಯಲ್ಲಿ 

ಓದುಗರ ವೇದಿಕೆ ಹಮ್ಮಿಕೊಂಡಿದ್ದ ಯುವ ಕವಿಗೋಷ್ಟಿಯಲ್ಲಿ ವಾಚಿಸಲಾಗಿದೆ.)