ನನ್ನ ನಿನ್ನ ನಡುವೆ

ನನ್ನ ನಿನ್ನ ನಡುವೆ ಮಾತಿಲ್ಲ ಕಥೆಯಿಲ್ಲ
ಮೌನವೇ ಮಾತಾಗಿದೆ ಅಲ್ಲಿ ||2||

ನನ್ನ ನಿನ್ನ ನಡುವೆ ಮುನಿಸಿಲ್ಲ, ಸಿಟ್ಟಿಲ್ಲ
ಸಂತಸವೇ ಸೇತುವಾಗಿದೆ ಅಲ್ಲಿ ||4||

ನನ್ನ ನಿನ್ನ ನಡುವೆ ಮರೆವಿಲ್ಲ-ಮೆರೆವಿಲ್ಲ
ನೆನಪುಗಳೇ ತುಂಬುಬಿಟ್ಟಿದೆ ಅಲ್ಲಿ ||6||

ನನ್ನ ನಿನ್ನ ನಡುವೆ ಸೋಲಿಲ್ಲ ಸೆಡವಿಲ್ಲ
ಗೆಲುವೇ ಮೆರೆದು ನಿಂತಿದೆ ಅಲ್ಲಿ ||8||

ನನ್ನ ನಿನ್ನ ನಡುವೆ ಧೂಳಿಲ್ಲ-ಗೋಳಿಲ್ಲ
ನಲಿವೇ ಬೆರೆತ್ಹೋಗಿದೆ ಅಲ್ಲಿ ||10||

ನನ್ನ ನಿನ್ನ ನಡುವೆ ಗತ್ತಿಲ್ಲ-ಕುತ್ತಿಲ್ಲ
ಪ್ರೀತಿಯೇ ಆಟವಾಡಿದೆ ಅಲ್ಲಿ ||12||

ನನ್ನ ನಿನ್ನ ನಡುವೆ ಅಳುವಿಲ್ಲ-ಬಿಕ್ಕಿಲ್ಲ
ನಗುವೇ ಹರಿದಿದೆಯೋ ಅಲ್ಲಿ ||14||

ನನ್ನ ನಿನ್ನ ನಡುವೆ ಬತ್ತಿಲ್ಲ-ಬರಡಿಲ್ಲ

 ಹಸಿರೇ ಹೊನಲಿದೆಯೋ ಅಲ್ಲಿ||16|| 

(ಒಂದು ಗಝಲ್ ಬರೆಯಲು ವ್ಯರ್ಥ ಪ್ರಯತ್ನ.. ಇದು ಗಝಲ್ ಆಗಬಹುದಾ..? ಬಲ್ಲವರು ಹೇಳಬೇಕು...)

(20-08-2006ರಂದು ದಂಟಕಲ್ಲಿನಲ್ಲಿ ಈ ಕವಿತೆಯನ್ನು ಬರೆದಿದ್ದೇನೆ..)