ಬಾನ ಬಳಗ

ರಂಗು ಚಲ್ಯಾನೆ ಚೌತಿ ಚಂದ್ರ
ನಕ್ಕು ನಲಿದಾವೆ ಬಾನಕ್ಕಿ ತಾರೆ |

ದಿನವು ಇರುಳು ನಲಿದು ತಣಿದು
ಭೂಮಿ ತಾಯಿಗೆ ಪ್ರಿತಿ ಬಸಿದು
ಇರುಳ ಬದುಕಿಗೆ ಬೆಳಕನು ಚೆಲ್ಲಿ
ಕುಣಿದು ನಲಿದಾವೆ |

ಬಾನ ಬುಗುರಿಗೆ ಚಿತ್ತಾರ ಇಟ್ಟು
ನೋಡೋ ಕಣ್ಣಿಗೆ ಚಮಕು ಕೊಟ್ಟು
ಸುಳಿವ ಮೋಡವ ಪಕ್ಕಕ್ಕೆ ಇಟ್ಟು
ನಲಿದು ಕುಣಿದಾವೆ |

ಸೂರ್ಯನಿಲ್ಲದ ಬಾನಿನಲ್ಲಿ
ಚಂದ್ರ ತಾರೆ ಸಭೆಯ ಸೇರಿ
ಹೊಸತು ಹೊನಲು ಪ್ರಭೆಯ ಬೀರಿ
ಮನವ ಸೆಳೆದಾವೆ |

ತುಂಬಿ ತುಳುಕುವ ಬಾನ ಬಳಗ
ಹಗಲಿನಲಿ ಮೇಲೆ ಕೆಳಗೆ
ಬೇಸರದೊಡಲಿಗೆ ಬಣ್ಣವ ನೀಡಿ
ಸಂತಸ ನೀಡ್ಯಾವೆ |

**
(ಈ ಕವಿತೆಯನ್ನು ಬರೆದಿರುವುದು ದಂಟಕಲ್ಲಿನಲ್ಲಿ 27.08.2006ರಂದು)