ಕಡಲುಕ್ಕಿದಾಗ

ಪ್ರೀತಿ ನೀಡುವ ಕಡಲು
ಉಕ್ಕಿ ಬಂದಾಗ
ಹಡಗು ಒಡೆಯಿತಲ್ಲ
ಬಾಳು ಮರುಗಿತಲ್ಲ ||

ಜಲದ ರಾಶಿಯ ಕಡಲು
ಮೈದುಂಬಿ ಬಂದಾಗ,
ಬದುಕು ಮುರಿಯಿತಲ್ಲ
ಸಾವೇ ಬಂದಿತಲ್ಲ ||

ಶಕ್ತಿ ನೀಡುವ ಕಡಲು
ರೌದ್ರವಾದಾಗ,
ಮನೆಯೇ ತೊಳೆಯಿತಲ್ಲ
ನೋವು ತುಂಬಿತಲ್ಲ ||

ಭೂಮಿ ತಣಿಸುವ ಕಡಲು
ಸಿಡಿಲಿನಂತಾಗಿ
ಮನಸ ಇರಿಯಿತಲ್ಲ
ಜೀವ ನುಂಗಿತಲ್ಲ ||

ರಕ್ಷೆ ನೀಡುವ ಕಡಲು
ಶಿಕ್ಷೆ ಕೊಟ್ಟಾಗ
ಜೀವ ಅರಿಯದಲ್ಲ
ಎಲ್ಲಾ ಮುಗಿಯಿತಲ್ಲ ||

****

(ಈ ಕವಿತೆಯನ್ನು ಬರೆದಿರುವುದು 03-04-2006ರಂದು ದಂಟಕಲ್ಲಿನಲ್ಲಿ)