ನಾವು ಹವ್ಯಕರು-3

ನಾವು ಹವ್ಯಕರು ನಾವು ಹವ್ಯಕರು
ಅಡಿಕೆಯ ಬೆಳೆಗಾರರು |
ವೇದ ಪಾರಂಗತರು
ನಾವು ಹವ್ಯಕರು ನಾವು ಹವ್ಯಕರು ||

ಉತ್ತರದಿಂದ ಬಂದವ್ವಡ
ನಾವು ಹವ್ಯಕರು
ಹೈಗುಂದದಲ್ಲಿ ನಿಂತವ್ವಡ
ನಾವು ಹವ್ಯಕರು ||

ಏಳು ಗೋತ್ರ ಸಣಕಲು ಗಾತ್ರ
ನಾವು ಹವ್ಯಕರು
ವೇದ ಪಾಠ, ಮೂರು ಮಠ
ನಾವು ಹವ್ಯಕರು ||

ಉ.ಕ, ದ.ಕ, ಶಿವಮೊಗ್ಗ
ಎಲ್ಲೆಲ್ಲೂ ಹವ್ಯಕರು
ಕಾಸರಗೋಡು, ಕುಂಬ್ಳೆ ಸೀಮೆ
ನಾವು ಹವ್ಯಕರು ||

ಕೃಷಿಗೂ ಸೈ, ಸಾಫ್ಟ್ ವೇರ್ ಗೂ ಜೈ
ನಾವು ಹವ್ಯಕರು
ಬದುಕಿಗಾಗಿ ನೂರಾರು ರೂಪ
ನಾವು ಹವ್ಯಕರು ||

ದೋಸೆ, ಅನ್ನ, ಅಪ್ಪೆಹುಳಿ
ಪ್ರೀತಿಯ ಹವ್ಯಕರು
ಉಪ್ಪಿನಕಾಯಿ, ಅಪ್ಪೆಮಿಡಿ
ಮೆಲ್ಲುವ ಹವ್ಯಕರು ||

ಯಂತ್ರಕ್ಕೂ ಸೈ, ಮಂತ್ರಕ್ಕೂ ಸೈ
ನಾವು ಹವ್ಯಕರು
ಕಷ್ಟ ಬಂದ್ರೂ ನಗ್ತಾ ಇರುವವರು
ನಾವು ಹವ್ಯಕರು ||

***

(ಹವ್ಯಕರ ಬಗ್ಗೆ ವಿವರ ನೀಡುವ ನಾವು ಹವ್ಯಕರು ಶೀರ್ಷಿಕೆಯಲ್ಲಿ ಈಗಾಗಲೇ ಎರಡು ಕವಿತೆ ಬರೆದಿದ್ದೆ. ಆ ಎರಡು ಕವಿತೆಗಳ ಮುಂದುವರಿದ ಭಾಗವಾಗಿ ಈ ಕವಿತೆ ಬರೆದಿದ್ದೇನೆ. ಹವ್ಯಕರ ಮತ್ತಷ್ಟು ಗುಣಗಳನ್ನು ಈ ಕವಿತೆ ತಿಳಿಸುತ್ತದೆ. ನಿಮಗಿಷ್ಟವಾಗಬಹುದು.)

(ಈ ಕವಿತೆಯನ್ನು ಬರೆದಿರುವುದು ಆಗಸ್ಟ್ 7, 2015ರಂದು ಸಿರಸಿಯಲ್ಲಿ)