ನನ್ನ ಒಲವು

ನೀನೆಂದರೆ ಒಲವ ಖನಿ

ಪ್ರೀತಿಯ ಬನಿ |

ಎದೆಯಾಳದಲ್ಲಿ ಹುದುಗಿಟ್ಟ

ಅವ್ಯಕ್ತ ಬಾವ ನೀನು |

ಕಣ್ಣಲ್ಲಿ ಜಿನುಗಿದ್ದರೂ 

ಉದುರದ ನೀರು ನೀನು |

ಬಾಯಿ ಬೊಚ್ಚಾಗಿದ್ದರೂ

ಉಕ್ಕುವ ನಗು ನೀನು |

ಮಗುವಿನ ಒಡಲಿನಿಂದ 

ಇಳಿವ ಕೇಕೆ ನೀನು |

ಶತಮಾನಗಳಿಂದ ಬಂದ

ಸಂಪ್ರದಾಯ ನೀನು |

ಹರಿವ ನದಿಗೆ ಅಡ್ಡಾಗಿ

ಕಟ್ಟಿದ ಒಡ್ಡು ನೀನು |

ಮರೆತರೂ ಮರೆಯದ

ಸೇಡಿನ ಕಿಡಿ ನೀನು |

ವರ್ಷಗಳುರುಳಿದರೂ ಮಾಯದ

ಗಾಯದ ಕಲೆ ನೀನು |

ಒಲವೇ ಹೀಗೆ ಸದಾ ಕಾಲ ಕಾಡುತ್ತದೆ

ಬಿಡದೇ ಸೆಳೆಯುತ್ತದೆ. |

ಒಳಗೊಳಗೆ ಮೊಳೆಯುತ್ತದೆ.

ಹೆಮ್ಮರವಾಗಿ ನಿಲ್ಲುತ್ತದೆ |

**

(ಈ ಕವಿತೆಯನ್ನು ಬರೆದಿದ್ದು 07-09-2014ರಂದು ಶಿರಸಿಯಲ್ಲಿ)