ನಿನಗಾಗಿ

ನಿನಗಾಗಿ ಕೇಳೆ ಓ ಗೆಳತಿ
ಹೃದಯವೊಂದು ಕಾದಿದೆ |
ನಿನ್ನ ನೆನಪ ನೆರಳಿನಲ್ಲಿ
ಜೀವ ಹಿಡಿದು ನಿಂತಿದೆ ||

ಧಮನಿಯ ಎಳೆ ಎಳೆಗಳಲ್ಲಿ
ನಿನ್ನ ಬಿಂಬ ತುಂಬಿದೆ |
ನಿನ್ನ ಪ್ರೀತಿ ಹಸಿರಿಗಾಗಿ
ಸಕಲ ಕಾಲವೂ ಕಾದಿದೆ ||

ನೀನೆಂದರೆ ಹೃದಯಕಾಯ್ತು
ಜೀವ-ಪ್ರೀತಿ-ಉಸಿರು |
ನೀನು ಮರೆತೆನೆಂದರಾಯ್ತು
ಹರಿದು ಬಿಡುವುದು ನೆತ್ತರು ||

ಹೃದಯ-ಮನಸು ನಿನ್ನದಂತೆ
ತನ್ನ ಜೀವ ಮರೆತಿದೆ |
ತನ್ನ ಪ್ರಾಣಕಿಂತ ಮಿಗಿಲು
ನಿನ್ನ ಒಲವ ಬಯಸಿದೆ ||

***
(ಈ ಕವಿತೆಯನ್ನು ಬರೆದಿರುವುದು ದಂಟಕಲ್ಲಿನಲ್ಲಿ 05-12-2006ರಂದು)