ಖುಷಿಯಾಗಿರಲಷ್ಟು ಹನಿ ಚುಟುಕಗಳು

ಹೆಂಡ(ತಿ)

ಹೆಂಡಕ್ಕೂ ಹೆಂಡತಿಗೂ
ಏನಂತೆ ವ್ಯತ್ಯಾಸ ?
ಹೆಂಡ `ಕಿಕ್' ಕೊಟ್ಟರೆ
ಹೆಂಡತಿಯೋ ಕಿಕ್ (kick)
ಮಾಡುತ್ತಾಳೆ |

ವ(ವಾ)ಯಸ್ಸು

ನನ್ನನ್ನು ಸೆಳೆದಿದ್ದು
ಅವಳ ಸುಂದರ voiceಊ|
ಜೊತೆಗೆ ಅವಳ ವಯಸ್ಸೂ ||

ದಿನಕರ ದೇಸಾಯಿಗೆ

ನಮ್ಮೂರ ಕವಿ ದಿನಕರ
ಅವರ ಚುಟುಕುಗಳೆಂದೂ ಅಮರ |
ಚಿಕ್ಕದಾದರೂ ಬಲು ಸವಿಯಂತೆ ಚುಟುಕು
ಎತ್ತಿ ತೋರುವುದದು ಸಮಾಜದ ಹುಳುಕು ||

NUMBER ONE

ಎಲ್ಲರೂ ಹೇಳ್ತಾರೆ
ಅಮೇರಿಕ NUMBER ONE |
ಆದರೆ ಅಮೆರಿಕಾವನ್ನೂ
ಹೆದರಿಸ್ತಿದ್ದ ಬಿನ್ ಲಾಡೆನ್ ||

ಕನಸು

ಆತ ಹೇಳುತ್ತಿದ್ದ
ನಿನ್ನೆ ನನ್ನ ಬಳಿ
`ಐಶ್ವರ್ಯ ಬಂದು ಮುತ್ತು
ಕೊಡೆಂದಳು, ಮುತ್ತು
ಕೊಡಲು ಹವಣಿಸಿದಾಗಲೇ
ನನಗೆ ಎಚ್ಚರಾಯಿತು' |