ಪ್ರೀತಿಯ ಕವನ

ಕತ್ತಲೆಯ ನೆತ್ತಿಯಲಿ
ನಿಶೆಯೊಡಲ ಬುತ್ತಿಯಲಿ
ಘಮಿಸಿ ಬರುತಿದೆಯಲ್ಲೆ
ನನ್ನ ಮುಗುದ ಪ್ರೀತಿ |

ಬಿಸಿಲ ತಲೆ ಬೆಂಕಿಯಲಿ
ಸುರಿವ ಹನಿ ಬೆವರಿನಲಿ
ನಿಂತು ಸಿಲುಕಿದೆಯಲ್ಲೇ
ನನ್ನ ಹಸಿರು ಪ್ರೀತಿ |

ನವ ನಲಿವ ಬಂಡಿಯಲಿ
ಜೊತೆ ಜೀವ ಗುಂಡಿಯಲಿ
ಮುಳುಗೇಳುತಿದೆಯಲ್ಲೇ
ನನ್ನ ಹನಿಯ ಪ್ರೀತಿ |

ಸುಡುವ ಸೇಡಿನ ಮದ್ಯ
ಜೊತೆಗೆ ಬೆಂಕಿಯ ಸಖ್ಯ
ನಡುವೆ ಬೆಳೆದಿದೆಯಲ್ಲೇ
ನನ್ನ ಬದುಕ ಪ್ರೀತಿ |

**

ಈ ಕವಿತೆಯನ್ನು ಬರೆದಿರುವುದು 11-12-2006ರಂದು ದಂಟಕಲ್ಲಿನಲ್ಲಿ