ಬಂದ ನೆನಪು

ಹಗಲು ಇರುಳಾದಾಗ
ನೋವು ನಲಿವಾದಾಗ
ಸೋಲು ಗೆಲುವಾದಾಗ
ಬಂತು ನಿನ್ನ ನೆನಪು ||

ಕಷ್ಟ ಸುಖವಾದಾಗ
ಗುರಿ ಗೆಲುವ ಪಡೆದಾಗ
ಹಲ ಕನಸಿನಲಿ ಮಿಂದಾಗ
ಬಂತು ನಿನ್ನ ನೆನಪು ||

ಮೈ ಮನಸು ನಕ್ಕಾಗ
ದುಃಖವುಕ್ಕಿ ಬಂದಾಗ
ಕವನವನು ಬರೆದಾಗ
ಬಂತು ನಿನ್ನ ನೆನಪು ||

ನೀಳ್ಜಡೆಯ ನಡೆಯಲ್ಲಿ
ನಗು ಮೊಗದ ಮೋಡಿಯಲಿ
ಯಾರೋ ನಡೆ ಬರುತಿರಲು
ಬಂತು ನಿನ್ನ ನೆನಪು ||

ನವ ವಸಂತವು ಬಂದಾಗ
ಮಾವು ಚಿಗುರುವಂತೆ
ಕೋಗಿಲೆ ಉಲಿ ಉಲಿವಂತೆ
ಬಂತು ನಿನ್ನ ನೆನಪು ||

**
(ಈ ಕವಿತೆಯನ್ನು ಬರೆದಿದ್ದು 02-02-2006ರಂದು ಶಿರಸಿಯಲ್ಲಿ..)