ಮತ್ತೆ ಬಾ ಗೆಳತಿ

ಒಲವ ದಾಹವು ಮನದಿ ಮೆರೆದಿದೆ
ಗೆಳತಿ ಬದುಕಲಿ ಮತ್ತೆ ಬಾ |

ಮನದಿ ತುಂಬಿಹ ಸುಪ್ತ ಭಾವವ
ಮತ್ತೆ ನೀನು ಮೆರೆಸು ಬಾ |
ಎದೆಯ ಬೆಂಕಿಗೆ ತೈಲವಾಗದೆ
ಒಲವ ತಂಪನು ಹರಿಸು ಬಾ ||

ನಿದ್ದೆಗಣ್ಣಿನ ಮಬ್ಬು ಹರಿಸುತ
ನನ್ನ ಕೆನ್ನೆಯ ಚಿವುಟು ಬಾ |
ಕಾರಿರುಳಿನ ಸೊಂಪು ನಿದ್ದೆಯ
ಕನಸ ನಡುವಲಿ ಕಾಡು ಬಾ |

ಎದುರು ಪರ್ವತ ನೂರು ನಿಂತಿದೆ
ಜೊತೆಗೆ ಹೆಜ್ಜೆಯ ಹಾಕುವೆ |
ನಿನ್ನ ಜೊತೆಯಲಿ ನಾನು ನಿಲ್ಲುವೆ
ಹರುಷದಂತಿಮ ಮುಟ್ಟುವಾ ||

***

(ಈ ಕವಿತೆಯನ್ನು ಬರೆದಿರುವುದು 2-04-2015ರಂದು ಶಿರಸಿಯಲ್ಲಿ)