ಕಾಡುವ ಹುಡುಗಿ

(ರೂಪದರ್ಶಿ : ಅನೂಷಾ ಹೆಗಡೆ)

ಕಾಡುತಾವೆ ಕಣೆ ಗೆಳತಿ
ನಿನ್ನ ಕಣ್ಣು
ನನ್ನ ಪಾಲಿಗೆ ನೀನೆ
ಪ್ರೀತಿಯ ಹೆಣ್ಣು ||

ನಿನ್ನ ಕಣ್ಣಲೊಂದು ಕಾಂತಿ
ನನ್ನ ಮನವ ಸೆಳೆದಿದೆ
ಬಿಟ್ಟೂ ಬಿಡದೆ ನಿನ್ನ ಕಡೆಗೆ
ನನ್ನ ಎಂದೂ ಎಳೆದಿದೆ ||

ಕಣ್ಣ ಕನಸು ಕರಗದಿರಲಿ
ನಗುತ ನೀನು ನಲಿದಿರು
ಕಣ್ಣ ಹನಿಯು ಜಾರದಿರಲಿ
ಮನಸು ನಕ್ಕು ಮೆರೆದಿರು ||

ನೀನೆ ನನ್ನ ಪಾಲಿಗೆಂದೂ
ಸದಾ ಚಿನ್ನ ರನ್ನ
ನಿನ್ನ ನೆನೆಯಲೆಂದೂ ಮನಕೆ
ಅದುವೆ  ಸುಣ್ಣ-ಬಣ್ಣ ||

ಕಣ್ಣು ಸಣ್ಣ ನೆಪ ಮಾತ್ರ
ನನ್ನ ಮನಸು ನಿನ್ನಲಿ
ಸದಾ ಕಾಲ ನಿನ್ನ ನೆನಪು
ಎದೆಯಲಿ ತುಂಬಲಿ

**

(ಈ ಕವಿತೆಯನ್ನು ಬರೆದಿರುವುದು 13-03-2015ರಂದು ಶಿರಸಿಯಲ್ಲಿ)
(ರೂಪದರ್ಶಿ ಅನೂಷಾ ಹೆಗಡೆ ಧನ್ಯವಾದಗಳು)