Friday, August 7, 2015

ತೋಟದಲ್ಲಿ ಇರೋ ಸುಖ

ತೋಟದಲ್ಲಿ ಇರೋ ಸುಖ
ಗೊತ್ತೇ ಇರಲಿಲ್ಲ
ಹೂ ಅಂತೀಯಾ.. ಊಹೂ ಅಂತೀಯಾ..
ಬಾ ಅಂತೀಯಾ.. ತಾ ಅಂತೀಯಾ.. ||

ಹೇಳುವೆ ಜೊತೆ ಬಂದರೆ
ಸೊಂಗೆ ಅಟ್ಲ ಬದಿ ಅಂಚಲಿ
ತೋಟದಲ್ಲಿ ಇರೋ ಸುಖ
ಗೊತ್ತೇ ಇರಲಿಲ್ಲ..
ಹೂ ಅಂತೀಯಾ, ಊಹೂ ಅಂತೀಯಾ ||

ಏಲಕ್ಕಿಯಾ ಹಸಿ ಗಿಡಗಳು
ತೂಗಾಡುವಾ ಬಾಳೆಲೆಗಳು
ತೋಟದಲ್ಲಿ ಇರೋ ಸುಖ
ಗೊತ್ತೇ ಇರಲಿಲ್ಲ..

ಉದುರುವಾ ಹಣ್ಣಡೆಕೆಯು
ಕಾಳ್ಮೆಣಸಿನ ಹಸಿರೆಲೆಗಳು
ತೋಟದಲ್ಲಿ ಇರೋ ಸುಖ
ಗೊತ್ತೇ ಇರಲಿಲ್ಲ..

ಕೊಳೆ ಮದ್ದಿನ ಗಮ್ಮತ್ತಿದೆ
ಮಂಡ್ಗಾದ್ಗೆಯಾ ನೀರ ಹೆಚ್ಚಿದೆ
ತೋಟದಲ್ಲಿ ಇರೋ ಸುಖ
ಗೊತ್ತೇ ಇರಲಿಲ್ಲ..

ತೋಟವು ತಗ್ಗಲ್ಲಿದೆ
ಬೆಟ್ಟವು ಬದಿಯಲ್ಲಿದೆ
ತೋಟದಲ್ಲಿ ಇರೋ ಸುಖ
ಗೊತ್ತೇ ಇರಲಿಲ್ಲ..

ಬೇರ್ಹುಳ ಮರ ತಿಂದಿದೆ
ಬಿಸಿಲಿಗೆ ಮರ ಬಾಡಿದೆ
ತೋಟದಲ್ಲಿ ಇರೋ ದುಃಖ
ಗೊತ್ತೇ ಇರಲಿಲ್ಲ..
ಬಾ ಅಂತೀಯಾ, ಬೇಡ ಅಂತೀಯಾ.. ||

**

(ಪ್ರೀತಿಯಲ್ಲಿ ಇರೋ ಸುಖ ಗೊತ್ತೇ ಇರಲಿಲ್ಲ ಅನ್ನುವ ಧಾಟಿಯಲ್ಲಿ ಬರೆದ ಕವಿತೆ. ಸುಮ್ಮನೆ ತಮಾಷೆಗೆ ಬರೆದಿದ್ದು. ಹಂಸಲೇಖರ ಕ್ಷಮೆ ಕೋರುತ್ತಾ. ಸುಮ್ಮನೆ ಓದಿ ಖುಷಿಪಡಿ)

(ಈ ಕವಿತೆಯನ್ನು ಬರೆದಿರುವುದು ಆಗಸ್ಟ್ 7, 2015ರಂದು ಶಿರಸಿಯಲ್ಲಿ)



No comments:

Post a Comment