ಹನಿ ಪಟಾಕಿಗಳು

ಮಿಕ

ಅಮೆರಿಕವೆಂಬುದೊಂದು
ಕುತಂತ್ರಿ ತೋಳ |
ಅದಕ್ಕೆ ಬಲಿ ಬೀಳುವುದು
ಭಾರತದಂತಹ ಮಿಕ ||

ಆವಾಜ್

ನವೆಂಬರ್ ಬಂತೆಂದರೆ
ಕನ್ನಡದೆಡೆಗೆ
ಕೇಳುತ್ತದೆ ಅವಾಜ್
ಹಾಕುವವರು ಮಾತ್ರ
ವಾಟಾಳ್ ನಾಗರಾಜ್ ||

ನಾಕ-ನರಕ

ನಾಕ, ನಾಕ ಎನ್ನುತ್ತಿದ್ದ
ಜನರಿಗೆ ಅರ್ಥವಾಗಲಿಲ್ಲ,
ಜಗತ್ತಿನ ಅತಿದೊಡ್ಡ ನರಕವೆಂದರೆ
ಅದು ಅಮೆರಿಕ ||

ಬಿರುದು

ಅವನು ಪಡೆಯಬೇಕೆಂದಿದ್ದ
ಬಿರುದು ಗಾಯನ ಲೋಕದಲ್ಲಿ
ಗಾನ ಗಂಧರ್ವ |
ಆತನ ಹಾಡು ಕೇಳಿದ ಜನ
ಕೊಟ್ಟರು ಅವನಿಗೆ ಬಿರುದು
ಗಾನ ಗಾರ್ಧಭ ||

ವಾಸ್ತವ

ದೂರದ ಗುಡ್ಡ
ಕಣ್ಣಿಗೆ ನುಣುಪು |
ಗೆಳತೀ ಹಾಗೇ ನಿನ್ನ
ಮುಖವೂ ಕೂಡ |
ದೂರವಿದ್ದಷ್ಟೇ
ಕಾಣುವುದು ನುಣುಪು ||