Tuesday, July 22, 2014

ಬೆಂಕಿ-ಪ್ರೀತಿ

ಬೆಂಕಿ ಬದುಕಿನ ನಡುವೆ
ಸುಳಿದು ಬರುತಿದೆ ಪ್ರೀತಿ
ದಹಿಸುತಿಹ ಮನದೊಳಗೆ
ಹಸಿರು ಮೆರೆಸಿದೆ ಪ್ರೀತಿ |

ಇಂದಿನಾ ದಿನ ಕೊನೆಗೆ
ಬೆಂಕಿ ಬಾಣಲೆಯಲಿದ್ದೆ
ಹೃದಯದೊಳಗಣ ನೂರು
ಚಿಂತೆ ಬೆರೆತು ಬದುಕಿದ್ದೆ |

ಮೂಡಿ ಮೊಳೆತಿದೆ ಪ್ರೀತಿ
ಇನ್ನು ಬಿಡು ವರ್ಷಹನಿ
ಸುಡುವ ಬೆಂಕಿಯೂ ಕೂಡ
ತಂಪು ತುಂಬುವ ಬಾನಿ |

ಇಂದಿನ ದಿನ ಕಳೆಯೆ
ನಾನು ನಾನಾಗುತಿಹೆ
ಬದುಕಿನಾ ಮಾರ್ಗದಲಿ
ಪ್ರೀತಿಯಾ ತಿಳಿದಿರುವೆ |

**

(ಈ ಕವಿತೆಯನ್ನು ಬರೆದಿರುವುದು 20-11-2006ರಂದು ದಂಟಕಲ್ಲಿನಲ್ಲಿ)

No comments:

Post a Comment