ಪ್ರೀತಿಯ ನೌಕೆ

ಚಿತ್ರ ಕೃಪೆ : ವಿನಾಯಕ ಹೆಗಡೆ, ರೂಪದರ್ಶಿಗಳು : ಅಶ್ವಿನಿ ಭಟ್-ಕೇದಾರ್

ನಾನು ಬರಲೆ ನಿನ್ನ ಜೊತೆಗೆ
ಹಜ್ಜೆ ಹಾಕಲು
ಕೈ ಕೈ ಹಿಡಿದುಕೊಂಡು
ಜೊತೆಗೆ ನಡೆಯಲು |

ನಾನು ಒಂಟಿ ನೀನು ಒಂಟಿ
ಬದುಕು ಏಕ ರೂಪ
ನಾನು ನೀನು ಆಗೆ ಜಂಟಿ
ಬಾಳು ಹೊಸದು ದೀಪ ||

ನನಗೆ ನೀನು ಕಣ್ಣ ರೆಪ್ಪೆ
ಪ್ರೀತಿ ಕೊಡುವೆ ಅಮೃತ
ನಿನ್ನ ಇರುಳ ಕನಸು ನಾನು
ಬದುಕಿಗಿರುವೆ ಶಾಶ್ವತ ||

ನಮ್ಮ ಪ್ರೀತಿ ಹೊಸತು ಕವಿತೆ
ರಾಗವಾಗಿ ಉಳಿಯಲಿ
ಮನಸಿನೊಡನೆ ಜೀವತಂತು
ಬಾಳಿನಲ್ಲಿ ಬೆಳೆಯಲಿ ||

ನಡೆವ ನಾವು ಬಾಳಿನಲ್ಲಿ
ತೀರವನ್ನು ದಾಟುವ
ಬಾಳ ಹೊಸದು ನೌಕೆಯಲ್ಲಿ
ಬದುಕ ಹಾಯಿ ಕಟ್ಟುವ ||


**
(ಈ ಕವಿತೆಯನ್ನು ಬರೆದಿದ್ದು 15.04.2014ರಂದು ಶಿರಸಿಯಲ್ಲಿ)